علق الإعلامي أحمد شوبير حارس مرمى الأهلي ومنتخب مصر السابق على الاحتفال الذي قام به نجم نادي الزمالك مصطفى شلبي بعد هدفه في مرمى دريمز الغاني. وأثار مصطفى شلبي حالة من الجدل الشديد بعدما احتفل بطريقة مثيرة بالهدف الذي سجله في شباك فريق مازيمبي. وقال شوبير في تصريحات إذاعية: «إحنا ما صدقنا نخلص من محمد عبدالمنعم إمبارح دخلنا في مصطفى شلبي، عندي نصيحة لكل اللاعبين أنتوا وراكوا جمهور كبير جدا بيتفرج عليكم والناس كلها بتشوفكم والنفس محسوب عليكم». اقرأ أيضًا: أسطورة الزمالك يطالب بمعاقبة مصطفى شلبي بعد «حركة الاحتفال» وتابع أحمد شوبير: «أنا خدت بيان محمد عبدالمنعم إمبارح ومصطفى شلبي مطلعش بيان لكن كابتن عبدالواحد السيد رد وطلع بيان بس كل ده بيبقى للإعلام فقط، وبيبقى فيه تحقيقات داخلية جوه الأندية مع اللاعيبة». وأضاف شوبير: «يا جماعة أنتوا واجهة للناس سواء بتلعب في النادي ده أو ده، زمان كنا بنقول لسانك حصانك لكن دلوقتي الكاميرات والموبالات وراك في كل مكان فخلوا بالكم من تصرفاتكم». وأوضح شوبير: «زمان كان بيحصل بلاوي في الملاعب بس محدش كان بياخد باله منها ومكانش فيه تصوير دولقتي النفس محسوب عليك خلوا بالكم عشان انتوا قدوة وبقول الكلام ده لكل لاعيبة مصر عشان الدنيا تمشي كويس».
