وجه هادي خشبة، نجم النادي الأهلي السابق، رسائل نارية إلى محمد عبدالمنعم، مدافع الفريق الأول لكرة القدم بالقلعة الحمراء، وذلك بعد الرسالة التي نشرها اللاعب عبر صفحاته على مواقع التواصل الاجتماعي في الساعات الماضية. كان «عبدالمنعم»، على حسابه الرسمي: «حلمك أمسك فيه وخليك وراه، ممكن اه متكنش واخد حقك، ومفيش تقدير، بس ربنا شايف أنت بتشتغل إزاي وبتتعب إزاي عشان تكمل». وتابع: «لازم تكمل، مفيش اختيار تاني عشان حلمك اللي ضحيت بحاجات كتير أوي علشانه، وعلشان حلم أهلك اللي فخورين بيك وأنت سبب سعادتهم، لازم تكمل علشانك وعلشانهم». وقال هادي خشبة، خلال برنامج «اللعيب»، المذاع عبر فضائية «ام بي سي مصر»: «محمد عبدالمنعم، لاعب مميز للغاية وله مستقبل كبير وقادر على اللعب في أي من الأندية الكبرى في أوروبا». ووجه نجم الأهلي السابق، رسائل إلى محمد عبدالمنعم، قائلًا: «من الطبيعي لو عاوز حاجة من النادي الأهلي تكون في الغرف المغلقة وليس في وسائل الإعلام، انت لسة لاعيب صغير لو ليك طلبات معينة اطلبها بأدب واحترام». وأضاف: «اصبر شوية ومتستعجلش، النادي الأهلي هو اللي قدمك، وهو اللي كبرك، معروف إن النادي الأهلي دايمًا بيقف جنب أولاده بس محدش يلوي دراعه ويتكلم إعلاميًا بشكل لا يليق حتى لو انت كنت مين».