كشفت الفنانة حنان مطاوع عن العديد من التفاصيل حول الأزمة الصحية التي تعرضت لها مؤخرًا، وأكدت أنها كانت تجربة سيئة جدًا، كما كشفت عن رأيها في الذكاء الاصطناعي، ومسلسلها الجديد «صوت وصورة». ونرصد لكم في سطور بسيطة أبرز تصريحات حنان مطاوع مع الإعلامية منى الشاذلي: أبرز تصريحات حنان مطاوع عن أزمة مرضها مطاوع: «العالم بالنسبالي توقف من أربع شهور ونص، الموضوع تضخم، خد منحنى تاني، ارتبكت جدا، وبدأت أعمل مسح ذري». رقبتي كانت تخنت بس مفيش حاجة طالعة فيها، اتشال من رقبتي 450 جرام. عملت سونار، اللي عملولي السونار دخلوني في نفق مظلم، قالولي لو انتشر في جسمك كله هيحصل كذا، الموضوع خد أبعاد كبيرة جدا، لما عرفت الخبر مكنتش شايفة حاجة غير أماليا بنتي. حنان مطاوع تكشف عن وصيتها وقالت حنان مطاوع: «من بعد 25 سنة وأنا بكتب وصيتي، أول وصية كان معايا مبلغ متخيلة إنه ياما هنا ياما هناك، كان ألف جنيه، قلت هيتوزعوا جزء للحاجة اللي مربياني، وأصحاب المدرسة كل واحد 100». ماما هتتجنن من الأفكار دي.. بس أنا مش سوداوية، طول الوقت بحلم ببكرة وإن فيه رحلتين في الدنيا والآخرة وبحاول أبروز الاتنين، عشان مفيش حاجة تيجي على حساب التانية». View this post on Instagram A post shared by WATCH IT (@watchit) حنان مطاوع تكشف عن مشهدها المفضل فى «صوت وصورة» مشهد «رضوى» في السجن وأختها بتقول لها إن «عبدالغني» طلقها، المشهد ده غصب عني ارتجلت هو مش مكتوب جملة «ليحرمني من بنتي» أنا قريت المشهد ومذاكراه. أول ما الجملة اتقالت جه في بالي صور وشعور «رضوى» المسجونة وجوزها اتخلى عنها يبقى هيحرمها من البنت. حقيقي مكنتش قادرة أخد نفسي بجد وكل اللي بقوله: لحسن يحرمني من بنتي وقولوله أنا آسفة.. كل ده كان ارتجال واتصور من مرة واحدة. أبطال مسلسل «صوت وصورة» مسلسل صوت وصورة بطولة حنان مطاوع، نجلاء بدر، مراد مكرم، وليد فواز، ناردين فرج، عمرو وهبة، ولاء الشريف، صدقى صخر، هاجر عفيفى، أحمد ماجد، إيمان الشريف، رامى الطمبارى، إخراج محمود عبدالتواب وتأليف محمد سليمان عبدالمالك.
