شاركت الإعلامية إنجي على، جمهورها ومتابعيها مقطع فيديو أثناء استقبالها للفنان بيومي فؤاد لاستضافته ببرنامجها «أسرار النجوم»الذي يذاع على «نجوم اف ام». ونشرت إنجي على، الفيديو عبر حسابها الرسمي بموقع الصور والفيديو «إنستجرام»، وقال بيومي فؤاد خلال الفيديو :«الناس بتشتمني علشان أهلاوي، ربنا خلقني أهلاوي، ولو جمهوري الزملكاوية شايف إن ده عيب الكمال لله سبحانه وتعالى، أنا مش بغلط في الزملكاوية، والناس بتزعل مني لما أقول الحق». وأضاف :«طول عمرنا أهلاوية وزملكاوية بنهزر على مين كسب ومين خسر، لكن في الآخر إحنا إخوات وأصحاب وحبايب، وهشام وشيكو زملكاوية، وفي كل ماتشات الأهلي والزمالك بياخدوني عندهم، ولما الزمالك يكسب بيقعدوا يضربوني ويخلوني أعمل فيديو أقول فيه الزمالك أحسن فرقة في الدنيا». وتابع :«إيه اللي وصلنا للدرجة دي، أقسم بالله بقيت أمشي خايف أتشتم بأمي وأبويا علشان أهلاوي، أو حد يحدفني بحاجة، إيه كم الشحن ده». View this post on Instagram A post shared by Inji Ali (@injialiofficial)