وجهت الإعلامية ياسمين عز، عدد من النصائح للزوجات للتعامل مع أزواجهم الأهلاويه قبل مباراة الوداد المغربي، المقرر اقامتها اليوم الأحد الموافق 4 يونيو في تمام الساعة 9 مساء، نهائي دوري أبطال إفريقيا. وقالت ياسمين عز خلال برنامجها «كلام الناس»: «البيوت بتكون متكهربة والرجالة بتكون متوترة وعلى أخرها، وعشان بحبك الوصايا العشر للتعامل مع جوزك الأهلاوي قبل مباراة الوداد». أضافت: «بلاش أكل دسم ولازم الغداء يكون خفيف عشان يشجع في كامل طاقته، واعمليله نفس الأكل اللي كنتي عملاه ماتش الترجي اللي فات، من باب التفاءل قبل المباراة، قوليله المصطلحات اللي تفكره بالبطولات السابقة، الأرض لا تنسى جباه الساجدين، ولو اسمه على اندهي عليه قوليله سي علي». تابعت:«بلاش الاسبوع دا تعمليله بط بالبورتقال وبلاش تعمليله بوظ البطة أو تقوليله»واك واك«عشان البطة و»الواك واك«من الرموز المميزة لنادي الوداد». واستكملت ياسمين عز نصائحها قائلة: «لو جوزك عصبي شيلي أي حاجة معرضة للكسر من حواليه، وأعمليله الشاى في كوباية كرتون، انتي متعرفيش رد فعله لو ضاعت أي فرصة من لاعبا الأهلي». أضافت: «لو جوزك متجوز 3 متقوليلهوش شكلك بتفكر في الرابعة، عشان ده فال وحش جدا لأنها البطولة اللي بيفكر فيها الوداد، استني الماتش يخلص واجلي طلباتك لحد ما يهدى».