هاجم أحمد دويدار مدافع االزمالك السابق، لاعبي الفريق الأول لكرة القدم بنادي الزمالك بعد تعادل الفريق مع المقاولون العرب 2-2 في الدوري الممتاز هذا الموسم. وقال دويدار في تصريحاته عبر برنامج «الريمونتادا»، المذاع على قناة «المحور»: «تحس إن لاعيبة الزمالك مش عايزة تصالح جمهورها، أنا مش عارف إيه الثقة اللي موجودة عندهم زيادة عن اللزوم دي، هل جبتوا دوري أبطال أفريقيا مثلا». وتطرق للحديث عن حسام عبدالمجيد قائلا: «أوعى تتكبر إنت معملتش حاجة ومحققتش حاجة في الكورة، لسة قدامك كتير، أخطاء حسام عبدالمجيد أخطاء أطفال ولاعيبة صغيرة في أكاديميات». واختتم: «مينفعش نلعب بدونجا وعبدالغني في وسط الملعب، ومينفعش نقيم أوسوريو دلوقتي أنا أعتقد إن مدحت عبدالهادي هو اللي عامل التشكيل وأوسوريو بيتفرج».