كشف المخرج محمد ثروت، نجل المطرب محمد ثروت، اَخر تطورات حالته الصحية، مشيرًا إلى أنه سُمح له بالزيارات بعد 4 أسابيع حجز في المستشفى بمفرده فقط. وقال«ثروت» في منشور له عبر حسابه الرسمي بموقع التواصل الأجتماعي«فيسبوك»: «بعد 4 أسابيع حجر في المستشفى لوحدي، أخيرًا اتسمحلي بالزيارات والأستاذ محمد ثروت جالي وفطرنا انهاردة مع بعض ربنا يخليك ليا». وأضاف :«وعايز أقول من غير ما أقلبها دراما إن ربنا كارمنا بنعم بيوريهالنا في تجمعاتنا كل عيد ومناسبة أولها رمضان إلى مالوش طعم من غير لمة عيلتك وصحابك حواليك وانك تبقي بكامل صحتك». وتابع: «ياريت اللى ربنا كارمه بالنعم دي أو جزء منها مع انك ممكن تشوفها بسيطة، استمتع بيها قدرها وحب كل تفاصيلها واحمد ربنا عشان دي حاجات ملهاش ثمن وإلى بيعدي منها مابيرجعش فحاول تتأمل في فضل ربنا واشكره دايمًا على نعمة العيلة والصحاب».