كشفت الفنانة منة فضالي تفاصيل دورها في مسلسل جعفر العمدة المقرر عرضه ضمن مسلسلات رمضان 2023. وأضافت في فيديو قدمته الشركة المنتجة للمسلسل: «شخصية نرجس فكاهية ودمها خفيف، ومخها على قدها وتفكيرها محدود لكن طيبة ورومانسية وشقية جدًا». وتابعت: «ساعات بتبقى نكدية لكن مش طول الوقت، وفيها تحول في شخصيتها، والدور صعب ومحتاج مجهود وتركيز وحاولت بقدر الامكان أني اشتغل على نفسي». وأردفت: «نرجس طيبة أوي لكن ساعات بتتصرف تصرفات يتفهم منها أنها شريرة، فهي جاهلة وتتصرف على طبيعتها وأحيانًا بغشومية لكنها طيبة جدًا». واستطردت: «أول مرة اشتغل مع محمد رمضان، والشغل معاه ممتع وهو من الممثلين الأقوياء وعبقري بصراحة وبيشتغل على نفسه كتير، وأنا بستفيد منه حقيقي على الرغم أنه أصغر مني».