تحدثت الفنانة شيرين رضا عن سبب اختيارها ل شخصية نادية المرأة المطلقة المسؤولة عن 4 بنات بمفردها، فيى مسلسل «وبينا ميعاد». وأضحت الفنانة شيرين رضا خلال لقائها مع برنامج «ET بالعربي» قائلة: «اللي جذبني لشخصية نادية إني عمري ما عملت حاجة زيها، عمري ما اتعرض عليا حاجة زيها، مشاكلها وولادها، وهي ناجحة في شغلها، وناجحة في بيتها، كل دي حاجات بتتحط في شخصية واحدة عمرها في حياتي ما اتعرضت عليا». وأضافت: والله مبسوطة جدًا، المهم إن إحنا نفضل نناقشها مش فترة وننساها، لأن المرأة نص البلد والعنف ضد المرأة وبهدلتها في المحاكم عشان تشوف ولاده وتاخد حقوقها، القضايا ديه مينفعش نسكت عليها خالص، والمسلسل بيوضح قد إيه الست جامدة. مسلسل «وبينا ميعاد» هو مسلسل اجتماعي كوميدي، يستعرض تفاصيل الحياة ومشكلاتها وأزمات تربية الأبناء في الطبقة المتوسطة، من خلال البيوت وأماكن العمل والدراسة والمشاكل اليومية التي من الممكن مواجهتها بحلول عملية بسيطة. مسلسل «وبينا ميعاد» من تأليف وإخراج هاني كمال، وبطولة شيرين رضا، صبري فواز، بسمة، مدحت صالح، وفاء صادق، خالد أنور، محمد سليمان، نادية رشاد، داليا شوقي والعديد من الوجوه الجديدة.