قالت الإعلامية ياسمين عز، إن جدها كان مُعمرًا في الأرض بسبب معاملة زوجته (جدتها) له. وأضافت «عز» في تعليق خلال برنامجها «كلام الناس»، والذي يعرض عبر قناة «إم بي سي مصر»، اليوم السبت، أن جدها توفي عن عمر ناهز 98 سنة، متابعة: «معاملة جدتي طولت عمره، عشان جدتي كانت مهنياه، كان فاضله سنتين ويقفل قرن، لو قولتلكم جدتي كانت بتقوله إيه هتموتوا مني، والحمد لله جدتي ماتت ومشافتش حفيدتها في العصر الحديث عايشة مع الناس اللي بتقول محمد من غير ألقاب». وعن اقتراحها بعدم النداء على الزوج بدون ألقاب، قالت «ياسمين»: «معظم الستات عاجبهم الاقتراح ونفذوه، والنهارده بقينا نسمع يا أستاذ محمد وأستاذ كريم، وإن شاء الله هينتشر أكتر، ولكن فيه بعض السيدات مش عاجبهم الكلام، طيب هو أنا غلطت علشان عايزاكم تقدروا بعض؟! ما أهلنا زمان كانوا بيعملوا كده ومكنش فيه طلاق والحياة كانت جميلة، البيت لما يكون محترم بينعكس على الشارع والمدرسة والمجتمع بأكمله». وأكملت: «ابنك لما يسمعك بتقولي لجوزك يا أستاذ هيحترم اللي في الشارع، وبعد كده هنسمع مصطلحات يا أستاذ ويا أفندم ولو سمحت في الشارع، بدل ما بنسمع مصطلحات زي إنجز وفي إيه، فين درس احترام الكبير والعطف على الصغير اللي درسناه». اقرأ أيضًا: أول رد من الرئيس السيسي على الشائعات بشأن قناة السويس عمرو أديب يكشف عن توقعات سعر الدولار خلال الأيام القليلة المقبلة (فيديو) عبر شهادة طلعت حرب الجديدة من بنك مصر.. كيف تحصل على دخل شهري 5 آلاف جنيه؟ كيف تحصل على دخل شهري 5 آلاف جنيه من شهادات البنك الأهلي الجديدة؟ رئيس بنك مصر يكشف موعد انتهاء طرح شهادات ال25% شريف عامر عن شهادات ال25%: «دخلت النهارده أحد البنوك وكانوا بيعيطوا»
