«جوزي عارف إن المشهد كان غير مقصود، وأصلا هو مشافش المشهد وقالي محبش أشوف الكلام ده»، هكذا علقت الفنانة وفاء عامر على رد فعل زوجها المنتج محمد فوزي بخصوص المشهد الجريء المسرّب من أولى حلقات مسلسل «نسر الصعيد» أمام الفنان محمد رمضان. وقالت وفاء عامر خلال لقائها ببرنامج «البخت» على شاشة «الشمس»، إن زوجها منتج كبير وهو يعرف جيدًا أن المشهد عبارة عن تمثيل في تمثيل، لكنه في النهاية أبدى إعجابه بالمسلسل ككل. وأضافت «أنا بشتغل ممثلة أو مشخصاتية، جوزي وجمهوري عارفين وواثقين كويس جدًا إني بحب أصدر لهم حاجات لذيذة، وأصلا المشهد ده مالوش 30 لازمة، وفي سياق المسلسل لا يرفعه ولا ينزله، مش عارفة مين سرّبه لكن المنتج حذفه في النهاية الحمد لله». وتابعت وفاء عامر: «عارفة مشكلتنا إننا بنسيب الحدث المهم والنجاح اللي بيتحقق ونمسك في حاجة زي دي».