كشفت الإعلامية ياسمين عز، عن رأيها في قضايا المثارة بين الرجل والمرأة في المجتمع، وأكدت أنها "ليست مع الرجل أو الست؛ هي مع الأصول". وأضافت خلال برنامجها كلام الناس عبر قناة mbc مصر :«هدفنا دايمًا أن احنا نذكر للناس القيم والعادات والتقاليد اللي نسيناها، اللي أجدادنا ربونا عليها، عايزين بيوتنا تتملي رحمة ومودة». وتابعت :«الراجل راجل والست ست، العلاقة بينهم مش ندية ولا حرب، الزوجة مطلوب منها طاعة الزوج ووالدته وأنها تاخد بالها من بيتها وولادها، وفي نفس الوقت تبني مستقبلك لو ظروفك تسمح، ولو عملتي كدا جوزك هيفضل شايلك طول الوقت». وتابعت:«لو مش حابة تعملي ده، لا تلومي إلا نفسك، احنا لا مع الراجل ولا الست احنا مع الحق والأصول، الست غلطانة في موقف معين هاقول، الرجل مقصر في موقف معين هاقول، هدفنا نصلح منسخنش، نجمع منفرقش، نطبطب منشعللش».
