مدد وحط.. فرع رشيد ودمياط على الخد.. وبصره شاخص فى الفضا ممتد.. قلت إيه قاللى إيه.. هو ليه.. ظلمه فاق الحد.. صايبانى نفس.. والحبيب قبل الحسود.. غارز فى قلبى مرار وطعنه.. ومين يحس.. والحفيد ابن الجدود.. جوايا صابب كل لعنه.. لا بحر بإرادتى مليته.. بعذوبة خالصة مسكرة.. ولا سد غربلى أوامى وحاش بقيتى بقنطرة.. ولا شمس تلسعنى وتنهب نص قيمتى مأثرة.. إلا ابن آدم لدغته والقبر حالة مكررة.. مغلول أنا.. وجوه منى الغل بالع.. معلول أنا من بعد أسوان وإنت طالع.. شايل خطاياكم أنا من جيل لجيل.. عارف نواياكم أنا وصاين جميل.. وصدقونى فى أمركم أنا مش هزيل.. لساكوا برده مكدبين إنى الدليل.. على عهد ولى وكان بخيل.. أو عهد حل وصار جميل.