نشر المطرب عمر كمال جانبا من جلسة التصالح التي جمعته بمغني المهرجانات حمو بيكا بعد الخلاف الذي وقع بينهما مؤخرا. وظهر عمر كمال وهو يمازح«بيكا» ويسخر من طريقته ويتبادلان المشاكسات حيث قال له «بيكا»: «فيه فريندشن بينا برضه». إلا أن عددا من متابعي عمر كمال اتهموا المطربين بادعاء الخلافات بينهما لتحقيق مزيد من الشهرة وكتب متابع: «كل ده عشان التريندات» وعلق آخر: «كنتوا عاملين متخانقين!»بينما هنأ آخرون المطربين بالتصالح. ويستعد حمو بيكا، للمشاركة في بطولة فيلم سينمائي جديد يجمعه بعمر كمال، وذلك بعد مشكلتهما الأخيرة والتي تبادلا فيها الاتهامات علنًا عبر فيديوهات لايف بال«فيس بوك». ويقف عمر كمال وحمو بيكا في الفيلم الجديد أمام الفنانين باسم سمرة ونضال الشافعي، ولكن مازال فريق العمل في التحضيرات والتوقيعات، ولم تحدد شركة الإنتاج مواعيد التصوير. وكان مغني المهرجانات حمو بيكا، قد شن هجوما على المطرب عمر كمال، مشيرا إلى أنه يدعى حبه ولكنه مزيف، حسب قوله، ونشر صورة له تحمل علامة x. ونشر «بيكا» الصورة ل«كمال» عبر صفحته عبر موقع التواصل الاجتماعي «فيس بوك» معلقا: «ياريت محدش يكلمنى في شغل على الشخصية دى، عشان أنا كنت بحبها، والشخصية دى بتتهرب من شغلى اللى خلانى اتفق عليه، والإثبات بعد الصورة دى هنزل فيديو»، مضيفا: «هو عامل بيحبنى وهو بيكرهنى، مع السلامة يا صحاب مزيفة». قبلها ظهر مطرب المهرجانات حمو بيكا، خلال بث مباشر على حسابه الشخصي على موقع الصور الشهير «إنستجرام»، وأعلن غضبه من أحد المطربين الذي تحدث عن أنه يحتل بمفرده قائمة أكثر 5 أغاني بحثا خلال عام 2020، دون ذكر اسمه رغم تواجده في القائمة بأغنيتين. وقال بيكا في البث المباشر: «لما تطلع تتكلم، تحدد النجاح من اللي عمله معاك، أنت مبنتش نفسك بنفسك، وأنت ظاهر أمام الشعب المصري إنك أناني مبتحبش غير نفسك، وحابب إن أنت تصنع النجومية لنفسك وبس، فكك من اللي أنت بتعمله وخليك محترم وكويس». وأضاف: «أخونا عمر كمال لما سمع اللي اتقال قال إحنا نجحنا، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط، عايز تحقق نجاحك أنت بس، فرجني يا فهلوي يا حلو واعمل كام تراك لوحدك». من جانبه رد عمر كمال على هجوم حمو بيكا من خلال بث مباشر عبر صفحته الرسمية على موقع التواصل الاجتماعي «فيس بوك»، وقال: «أنا تحملت كثير جدا إهانات بعض الناس، لكن أنا ممكن أطلع أقولك يا (أبوكرش) لكن كل دي إهانات أنا ماليش فيها». وأضاف: «أنا أول أغنية أتربح من خلالها كانت من خلال أغنية (انتي معلمة) وكل الأغاني اللي قبل كده كنت بديها لحمو بيكا، عشان يرفعها من خلال قناته ويكسب منها بما فيهم أغاني كانت من إنتاجي أنا، والله مكنتش باخد فلوسهم لأني بكسب من زمان وسيبتك تاكل عيش». وتابع: «الشخص اللي بيتكلم عليا ده أول ما بينزل من إسكندرية بيجي على شقتي وواكلين عيش وملح مع بعض، اللي حصل إن وأنا قاعد عند الحلاق بتاعي ومعايا حمو فوجئت إنه جايب شخص بتاع فساتين وعايزنا نعمله إعلان من غير ما ياخد إذني، وأنا اتحرجت أرفض قدام الراجل، بس أنا مش عايز اعمل مهرجان لفستان فرح، أنا عايز اعمل فن كويس زي بنت الجيران وعود البطل وكل مهرجاناتي، وحتى بعد الاتفاق مدفعش ليا عربون ولا سألني تاخد كام، على عكس ما بعمل معاه في أي فرح حد بيطلبه فيه، عيب تقول عليا إني صحبة مزيفة، أنا عمري ما كسبت من وراك، أنا سيبتلك 12 تراك كلت من وراهم الشهد، حتى العربية بتاعتك أنا اتصدرت أنا ومدير أعمالي عند المعرض عشان يقسطهالك، وضمنتك في مليون و800 ألف جنيه، ولو كنت لوحدك مكنش حد هيديك عربية». View this post on Instagram A post shared by Omar kamal (@omarkamal.official)
