يوميات شاب مكافح طابور العيش

يوم من ايام الكفاح نبدا معا قصه كفاح قد تستمر 30 يوم مثل حلقات المسلسلات وسنحكى كل يوم حلقه من الكفاح باسلوب ساخر فهذه هى الحياه التى نعيش فيها ونعانى منها وسنبدا اول يوم بطابور العيش
لا تستغربوا فطابور العيش هو اول ما يقوم به الشاب المكافح فى بدايه اليوم عندما يصحى وقبل حتى ان يغسل وجهه يقوم يجهز شنطه العيش ويودع اهله بلهفه وشوق ويدعى له امه:ترجع لينا سالم غانم الهى يبحفظك من كل سوء
دعاء مستجاب ان شاء الله ودائما ما كنت اتسال هل الاغنياء لديهم طابور عيش زينا الصراحه انا كنت فاكر من زمان انهم ما يعرفوش شكل العيش او ان طابورهم جميل فرن 5 نجوم الوقوف فيه بانتظام والعيش بيوصلك لحد عندك وهم واقفين بالبدل اه اه المهم خلينا فى طابورنا
والطابور لمن لا يعلم هو وقت جيد جدا للاستجمام والتفكر فى خلق الله وفى احوال الكون ومعرفه احوال العالم من حولك كما انه مكان مناسب جدا للعرك وللدعاء على كل الظلمه كما انه منتدى ثقافى ومكان علشان تدور على عروسه او عريس لابنك طبعا واحسن عريس وعروسه تلاقيهم هناك اولا:لانهم عندهم تحمل وصبر وجلد
ثانيا: لو رحت لاى عروسه تخطبها اول سؤال تقدرى تقفى فى الفرن ولا لا وتقدر تجيبى بكام عيش معلش اصل دا سؤال للقدراتولو طلعت بتعرف تجيب ب3جنيه عيش خدها وانت مطمن حتقدر على شغل البيت وحتتحمل.
المهم وقفت فى الطابور الطوييييييييييييييييييييييييييييييييييييييييييييييل مستنى ان عم محمد يحن علينا وعم محمد دا اهم شخص فى الدنيا لانك لو مش واقف كويس مش حتاخد عيش ولو عملت ايه .وفى الطابور تلاقى اشكال وانواع وتسمع حواديت وحكايات وحناخد الناس بارقام لانى مش عارف اساميهم حتى لو قالوها حتنساها ما اصل احنا كتيررررررررررررر.
رقم1 :راجل كبير تلاقيه مره واحده راح قايل ياه الله يرحم زمان ما كنش فيه طوابير وكانت الحياه حلوه والرغيف كان قد كدهههههههه وبسحتوت وكنا مرتاحين
وانا بقى نفسى اعرف امتى زمان دا . ويرد عليه واحد تانى مثلا45سنه:هو فى زى ايامكم دا انا كنت بسمع ان الدنيا كانت حلوه ومش زحمه والناس مرتاحه والشغل كتير
وانت واقف طبعا تنظر لهذه الناس كانها كائنات خرافيه فين الراحه دى يا عم الحج وفين الايام دى وكانت امتى فعلى حد معرفتى المتواضعه كل الايام كانت شبه الايام الى احنا فيها دلوقتى على العموم يمر الطابور طويللللللللللللللللللللللل لحد ما توصل وتاخد بجنيه عيش وتطلع فرحان وسعيد بعد فتره طويله من التاملات والتفكر وتروح البيت فى انتظار يوم تانى من الكفاح ومع بعض اشوفكم تانى يوم وسلام..........................