وجه الإعلامي خالد الغندور، قائد الزمالك الأسبق، رسالة إلى مرتضى منصور، رئيس مجلس إدارة الزمالك، طالبه خلالها بإنهاء الأزمات التي يعيشها النادي، من أجل عودة الفريق للانتصارات والبطولات. وقال «الغندور»، خلال تواجده ضيفًا ببرنامج «ملعب الشريف»، على قناة «LTC»، مساء الجمعة، «نجاحك في قدرتك إنك تخلي الناس تحبك. عارف إن مش كل الناس هاتتفق عليك، لكن في ناس كتير كانت بتحب مرتضى منصور، لما كان الفريق بياخد بطولات، وده رغم اختلافهم مع أسلوبه وطريقته، لكن الناس دي بعدت عنه لما بقى في هزائم». وأضاف: «مرتضى منصور عنده كاريزما وحضور، لكن الناس عايزة نتائج وعايزة إدارة، وطول ما رئيس النادي شايف إن هاني العتال هو السبب في الهزائم، الزمالك مش هايتقدم والناس مش هاتحب ده». وواصل: «مرتضى منصور شايف إن الهزائم سببها إن الكبير مش موجود، لكن الكبير زي ما كان موجود وهو الزمالك بياخد دوري وكأس، كان موجود وهو الزمالك بياخد مركز ثالث الموسم اللي فات، وكمان وهو بيخسر ويتعادل في الدوري قبل الانتخابات، والدنيا هاتتحسن مع النظام وتحقيق العدالة مع الجميع».