أبدى الإعلامي خالد الغندور استياءه من الهجوم الذي تعرض له من جانب مرتضى منصور، رئيس الزمالك، قائلًا إنه لا يقبل أي إهانة، لكنه في نفس الوقت يرفض الرد على مثل هذه الإساءات. وقال «الغندور»، خلال تواجده ضيفًا ببرنامج «ملعب الشريف»، على قناة «LTC»: «الموضوع بالنسبة لي مش شخصي، لو الضيوف غلطوا في مرتضى منصور، في غيرهم كان بيقولوا كلام كويس عنه في البرنامج، لكنه لا يرى إلا منتقديه». وأضاف: «كان بيعمل مداخلة معايا وبيغلط في ناس كتير جدا، وفي الآخر الناس كانت بتلومني أنا، طيب هو مكانش بيحس بنفس الإحساس إن الناس اللي بيغلط فيهم بيتضايقوا». وتابع: «الحمد لله بحترم نفسي، وبحب نادي الزمالك علشان نادي الزمالك مش لأي مصلحة، ومفيش إنسان فوق النقد، وأكيد لا أقبل الألفاظ اللي هو قالها، لكني أكبر من الرد». كان مرتضى منصور، رئيس نادي الزمالك، شن هجومًا حادًا على الإعلامي خالد الغندور، محذرًا إياه من توجيه انتقادات له عبر برنامجه. وقال «منصور»، في فيديو نشره الموقع الرسمي للنادي الأبيض: «مش هاديك شرف إن أعمل مداخلة عندك، كل شوية تتصل بيا، إوعي تجيب سيرتي تاني، هاجي آخدك أنت والاستوديو، والقانون هايجيب لي حقي».