ماحدش عارف مين مع مين وماحدش عارف حاجه عن حاجه تضرب 1 ناقص 2 تلاقى 3 فى التلاجة فلول الوطنى وناس تانيين لابسين توب الوطنيين وهما اساساً ناس واطيين ونازلين فينا تخريب وسذاجة ماحدش عارف مين مع مين وماحدش عارف حاجه عن حاجه قرب عندنا بص وطل مصر الغالية ست الكل اللى هدفنا تبقا عظيمة ونعيش فيها كلنا عيشة فل اللى نظامها كان حراميها وناهبين كل مواطن فيها وماصين دمه وكل شقاه حتى فاسدهم طال اراضيها وعملنا الثورة بكل ضمير وراح فيها منّا شهدا كتير ونزلنا بفرحة الملايين وقولنا خلاص عدت على خير ولاقينا فى لسه مشوار طويل اخدنا خطوة من الف ميل وطالما طالبنا بالتغيير نصبر بقا والصبر جميل وبنصح كل القلقنين قصدى كل المواطنين اللى شايلين هم بلدنا يحاولوا يبقوا منفضين أصل دا عادى وياما هنشوف ولازم ما نحسش بالخوف أصل فى رب هو حامينا وكله قدامه مكشوف ماحدش عارف مين مع مين وماحدش عارف حاجه عن حاجه تضرب 1 ناقص 2 تلاقى 3 فى التلاجة فلول الوطنى وناس تانيين لابسين توب الوطنيين وهما اساساً ناس واطيين ونازلين فينا تخريب وسذاجة ماحدش عارف مين مع مين وماحدش عارف حاجه عن حاجه