بكت السيدة نجلاء، زوجة الشهيد العقيد عامر عبدالمقصود، بعد الحكم بإلغاء أحكام إعدامات مذبحة كرداسة، قائلة: «أنا اتصدمت صدمة عمري، كل حاجة متصورة صوت وصورة، فين البهوات اللى حكموا بكده، مش كفاية المجرمين بقالهم سنتين بيتعلفوا في السجون». وأضافت زوجة الشهيد، خلال اتصال هاتفي ببرنامج «مساء القاهرة» المذاع عبر فضائية «ten»، الأربعاء: «فين الحق يا وزير الداخلية، ولا نسيب البلد ونعيش في أي داهية تانية»، مضيفة: «فين يا وزير العدل، حقي كده راح فين حرام كده، بدال مش عارفين ناخد حقنا نمشي، وأزاي منأخدش حق الشهداء». وتابعت: «كل أهل كرداسة (....)عشان مدافعوش عن الضباط، أنا في صدمة من الصبح، جوزي أتمثل بجثته وأدلق عليها ميه نار»، مضيفة: «أنا مش هسكت وكل شوية هعمل وقفات احتجاجية ضد القضاء، يعني نأخذ حقنا بذراعنا، وما حدث لعبة قذرة، وأنهي عدل يقول إن الناس دول يأخذوا براءة».