الحريه شيء بديع ... ومن غير ما اخش في مواضيع ... أفهمني على السريع الفرق بين الحرية والهمجية خيط رفيع ... لو ما حافظناش عليه الحرية تضيع وتتحول الحياه لواقع فظيع ... ويسيطر على حياتنا كل وضيع ... ويشتري فينا ويبيع فلازم نغير من انفسنا ونفهم غرنا ونديله تشجيع ... عشان نبني سد منيع ادام كل حاقد ونتجنب خراب شنيع المصالح الشخصيه ... ظهره وواضحه ادام عنيه ... ما ده وقت الهليبه والحرميه والي عيزين يخربوها مش شويه ... الي معاه وسائل اعلانيه ... والي فلوسه كتير شويه ... والناس النزيهه الي عيزه مصلحه البلد مختفيه ... قابلت ناس كتير مثقفه وذكيه ... بيدوروا على مصلحه البلد مش الانانيه ... بس متفرقين في الف مجموعه كل مجموعه فيها ميه ... وكده الي حايكسب ؟؟؟؟ فهمتوا النظريه ؟ طيب انا دلوات في الشارع ... شايف بعيني وسامع ... واحد نازل من بيته وراجع يروح لعربيته بايع ... ومن غير فلوس ماحقه ضايع ... واختي مخرجهاش ماالخطف شايع ... وواحد عامل شريف وهو صايع ... وعربيات كاروه محمله بضايع ... ومعاكسات في مدارس ثانويه وصنايع ... حتى الي دوره ينظم محدش ليه طايع؟؟؟ قولت على اخويا كلام وافتريت ... اصل عمري محسيت ... انه اخويا وعايش معايا في وطن واحد ونفس بيت ... والعيب مش فينا العيب في رب كل بيت ... الي قالي اخوك ده عبيط ... ولا يعرف حاجه والصراحه قولت عنه وحكيت ... والي قال لاخويا عني حديت ... كله كدب وهدفه التشتيت ... وفي الاخر فهمت وحسيت ... اني لما ببكي اخويا عليا يبكي ولما بكى اخويا انا عليه بكيت ... وياريت تسمحني يا اخويا منا فوقت وصحيت انا مش بعوم على عوم حد ... انا بتكلم بجد ... ما ينفعش نقعد ونحط ايدنا على الخد لازم نتحرك ونحط حد ... ونحافظ على الوعد ... الاصلاح مني ومنك مش من حد
