طالب الإعلامي أحمد موسى، الدولة ب«سحق المشاركين في تظاهرات 28 نوفمبر»، وقال: «لازم التعامل يكون من غير قانون، أفراد الأمن لو مقتلوش هيتقتلوا، الرجالة اللي تبعنا هينتشروا في كل مكان، وهيكونوا في قلب المظاهرات، والله العظيم لازم نشوف جثث في الشوارع». وأضاف «موسى»، خلال برنامجه «على مسئوليتي» على قناة «صدى البلد»، مساء السبت: «كل فرد من قوات الأمن ياخد سلاحه معاه وهو نازل، والذخيرة كتير، إحنا معندناش أكتر منها، خير ربنا كتير، ومفيش حاجة اسمها قانون زي ما قال وزير الداخلية، خلوه يقول اللي يقوله وإنتو اقتلوهم». وتابع: «أطالب رجال الداخلية بعدم أخذ قنابل مسيلة للدموع أو أخذ سيارات المياه، والاكتفاء فقط بالسلاح،وأخذ كميات كبيرة من الذخيرة الحية». ووصف المظاهرت ب «انتفاضة الحرامية والإرهابيين»، قائلا: «متنزلوش بالمصحف أنزلوا ومعاكم سلاح أحسن لأنكم نازلين تخربوا وتقتحموا البيوت والمنشآت». وناشد الشعب بعدم الاهتمام بتظاهرات 28 نوفمبر، والتركيز فقط على أعمالهم، قائلا «متخافوش مش هيحصل حاجة، غمضوا عينكوا علشان مش هيحصل حاجة، وسيناريو الحشد اللي إحنا شوفناه في 3 يوليو مش هايتكرر تاني. اشترك الآن لتصلك أهم الأخبار لحظة بلحظة