قال المشير عبدالفتاح السيسي، إنه لن يدير مصر بفكر رجل المخابرات، مضيفا: «الخدمة في الجيش متنوعة جدا، والقائد العسكري يتشكل على مدار حياته العسكرية، وتدرجه في الوظائف المختلفة يتعلم إدارة ومواقف تنمي شخصيته، لتتطور». وأضاف السيسي في أول حوار له على قنوات «سي بي سي»، و«أون تي في»، مساء الإثنين: «أنا أخدت دراسات خارج مصر في إنجلترا وأمريكا وعملت ملحق عسكري في الرياض كل ده رصيد ومكون للقائد وفكره وأدئه». وتابع: «المخابرات درجة من السلم الوظيفي اللي حصلت عليه، كلنا بختزل عمل المخابرات في شخصية الغموض، ولكن فيها فكر وتنوع، هي إضافة لي بالتأكيد». وتحدث عن نفسه قائلا: «أنا مصري مسلم، بيحب بلده ودينه والناس، واتولدت في منطقة من أقدم مناطق مصر، فيها تنوع بلا حدود، ده وخلي بالك في حارة اليهود المعبد اليهودي مكنش حد بيدنسه، ومحدش كان بيعتدي عليه ولا حد يحاول يأذيه، ولا يتندر عليه، والكنيسة في شارع الجيش بسمع جرسها وبشوفه، وهذا الكلام مكنش محل استهجان ولا بستدعي فكرة ده دينه ايه؟».