حققت أغنية الفنان حمزة نمرة «وأقولك إيه» أكثر من 500 ألف مشاهدة خلال 22 ساعة فقط من طرحها، مساء الثلاثاء، وهو ما جعلها تحقق رقمًا جديدًا بين الأغنيات العربية التي صدرت مؤخرًا، على موقع YouTube. كان «نمرة» وصف أغنيته الجديدة بأنها «النداء الأخير لكل واحد فينا»، مضيفًا: «كل أملي إننا نشوف إحنا وصلنا لإيه، وبحاول أوصف حالة تقريباً بقت موجودة في كل بيت مصري». وأضاف «نمرة» في صفحته على «فيس بوك»، مساء الثلاثاء: «لأول مرة أحس إني خايف بجد، في وسط كل حالة الهوس والغل والجنون اللي بنشوفه ونسمعه في الإعلام والصحف والإنترنت والشارع، خايف ما نسمعش النداء الأخير..واقولك إيه!». وتنص كلمات الأغنية على «ومن إمتى، ما بينا خلاف أنا وأنت، ولما تشوفني أو أشوفك نبص بعيد، مش معقول، حيبقى كل واحد مننا في سكة، غريب الحال وده إحساس علينا جديد، واقولك إيه، طريق الكره أخرته إيه، وهيا قلوبنا ماتت ليه، لفين هنروح، وما بينا شيطان أملنا يا وطن خلصان، ومحدش فينا مش خسران، ولا مجروح، بيئلمني شعور إنك في لحظة تظلمني، تنام مرتاح وأنا منك دموعي تزيد، بأي أساس تقابل بسمتي برصاص، وليه بإيدك تخلي في كل عيلة شهيد، واقولك إيه؟، طريق الكره أخرته إيه، وهيا قلوبنا ماتت ليه، لفين هنروح، وما بيننا شيطان، أملنا يا وطن خلصان، محدش فينا مش خسران، ولا مجروح، صحاب وجيران، معاك ع الحلوة والمرة بقالنا سنين، وزيك على الوطن بكيت محروق، وإيه بعد إيه مودينا طريقنا لفين، يا خوفي علينا من بكرة وإمتى نفوق، واقولك إيه طريقك الكره أخرته إيه، وهيا قلوبنا ماتت ليه، لفين هنروح، ما بيننا شيطان أملنا يا وطن خلصان، محدش فينا مش خسران ولا مجروح».
