كل شبر فى أرض مصر.. يساوى دولة.. كل طفل فى بيت فى مصر.. يساوى أمة.. كل أب كل أم.. كل عم كل خال.. صعب إنك يوم تلاقى.. زى ليهم فى الخيال.. هما دول الفلاحين.. هما دول الشقيانين.. اللى كل قرش جالهم.. كان نتاج عرق الجبين.. هما دول المصريين.. على أكتافهم مقطف وفاس.. خضروا ملايين الفداديين.. سعدوا ملايين الناس.. شالوا هموم حمل الجبال.. ماعرفوش طريق المُحال.. انتصروا فى الحروب وعدوا القنال.. حفظوا الكرامة للى فات.. واللى جاى م الأجيال.. أبطال فى مصر وفى كل مكان.. أغنياء النفس فقراء المال.. هما دول المصريين.. أولاد سعدية وإحسان.. أولاد عنايات وإيمان.. عندهم الوطنية إيمان.. كلهم متحدين.. مسلمين مسيحيين.. مش مهم إيه الديانة.. المهم كلهم مصريين.. باحب تراب الوطن.. وباحب اللى يجب الوطن.. ومهما انداسُ من الوطن.. ما بأقول غير يحيا الوطن.. الوطن دم فى عروقهم.. الكرامة والأصالة مبدأهم.. الزرع يخضر بعرقهم.. الضحكة ما تفارق خدودهم.. ولو مرة المر جالهم.. رجالة ومتحملين.. ومربيين عيالهم.. على أنهم مصريين.. مش مهم مسلمين.. مش مهم مسيحيين.. المهم كلهم واحد.. واسمهم المصريين.