يا مدبِّر يا لطيف نفسنا ف نائب ظريف بسمته ترضى اللى خايف جرأته تنصف ضعيف الليالى الحلوة غابت واحنا ياما كلنا نابت واللى بيننا وبينه رابط بكرة يبقى لنا حليف كل شىء فى الدنيا جايز واللى يصدق يبقى فايز واحنا بنحبو اللى عايز يبقى حمل الناس خفيف المحافظة بحالها ثايرة والبلاد التانية غايرة أصل احنا أحلى دايرة فيها كام راجل نضيف لو حتسأل عن صفاته يعجبك تقله وثباته أصل ده واهب حياته للى مش لاقيين رغيف كل يوم قاعد معاهم لما يوصلهم عشاهم تسعده بسمة رضاهم أصل طبعه ابن ريف ناس كتيرة بتحكى عنه إن خير الدنيا منه واللى بيفرحنا إنه قضى طول عمره عفيف اللى يخدم يبقى صالح والجدع يقعد يصالح واللى بيقضِّى المصالح حكمته توقف نزيف لو لقى المسؤول فى نومة صوته بيصحى الحكومة بالأدب من غير خصومة يبقى له دوره الظريف فى المعارك والمكايد بنلاقوه دايما محايد لما شاف الفقر زايد حارب الجوع المخيف ناس كتير عايشة ف متاهة والعمل محتاج نباهة واللى معروف بالنزاهة معدنه طبعا نضيف عمره ما ساب فرض فاته كل وقت وله صلاته
