مشكلة مهمة جدا يجب على المصرى اليوم إكتشافها وتسليط الضوء عليها من أجل أشياء كثيرة . أنا بتأسف علشان مش عارف أصيغ صياغة صحيحة. الحكاية انى شاب من قرية في المنوفية . سنى25 سنة وأنا فى زيارة لأهلى بالمنوفية كان فى شئ رهيب جدا ومخيف بالأراضى الزراعية ألا وهو الدود (الديدان) عارفين كلنا البرسيم (الوجبة الأساسية للمواشى وللثروة الحيوانية...) الدود دا بقى من فترة وهو فى الأراضى كلها ومنتشر بطريقة غير عادية وبيأكل النبات بتاع البرسيم وبوظ الأرض ومبقاش فى برسيم للمواشى تأكلة والدود مش بيكتفى بالبرسيم فقط . إحنا زارعين بطاطس كمان . الدود نزل البطاطس وبوظ المحصول ومفيش أى حل ليه ولا أدوية ولا أى حاجة والجمعية الزراعية مكتوفة الأيدى ولم تفعل شيئا . الأهم من كدا إننا بنزرع دلوقتى القمح لان دة موسم الزراعة بتاعة يا ترى برضة الدود هينزل القمح وبيوظ المحصول ويضربنا ضربة قاضية فى المحصول رقم واحد فى مصر . أنا هسيب رقمى لأى صحفى إبن حلال عاوز ينقذ ألاف الفلاحين العاجزين عن عمل أى شئ ضد الدود اللى بوظ محصولهم وأرضهم والى هيعود أكيد بمجاعة كبيرة على البلد كلها .