فى أوروبا و امريكا بيطلقوا على المرأة الجميلة اسم البجعة (the swan) و الاسم دة جة من رواية هانس كريستيان اندرسون الشهيرة (the ugly duckling) و القصة بتحكى عن بطة صغيرة شكلها مش حلو و بتهرب من اهلها و بتلف فى اماكن كتير لحد اما بتشوف البجع بس بتخاف تتعامل معاهم و بيجى الشتاء و بيعدى و اما بيجى الربيع البط بترجع لنفس مكان البجع بيرحبوا بيها و بتعيش معاهم و اما بتكبر بتبقى بجعة . بطلة فيلم (the swan) و هو مش متاخد من الرواية على فكرة كانت جريس كيلى . امرأة بجمالها و فتنتها تستحق لقب (the swan) , مش كدة و بس دى كمان بذكائها الحاد قدرت تختار حياتها المستقبلية اللى تضمنلها السعادة و الاستقرار و الرخاء بس للاسف ماتت قبل اما تشوف دة بيتحقق قدام عينها جريس كيلى من مواليد فيلادلفيا 12 نوفمبر 1929 مثلت 11 فيلم و اخدت الاوسكار و 3 جولدن جلوب القدر كان هو السبب الوحيد فى انها بقت أميرة، وهى بتصور فيلم (to catch a thief) فى موناكو و فى منحدر عند الريفييرا شافها الأمير رينيه و بعدها بفترة طلب أيدها وحسبتها الحسبة الصح, عرفت أن مستقبلها السنيمائى مش هيطول لأنه معتمد على الجمال والجمال فانى . عرفت أنها هتبقى أميرة لدويلة أوروبية صغيرة ومتحضرة وهتعيش حياة مستقرة للنهاية، ووافقت على الزواج وعلى فكرة الملك فاروق حضر حفل زفافهم . أنجبت 3 أطفال الأميرة كارولين الأمير رينيه الأميرة ستيفانى مع الوقت بدأ نظر الأميرة جريس يضعف ومبقتش بتقدر تشوف كويس زى الأول، وفى يوم 13 سبتمبر 1982 كانت جريس بتسوق فى طريقها للعودة من المنزل الريفى للأسرة ومعاها بنتها ستيفانى و فى طريق الريفييرا اللى كله منحدرات و فى آخر منحدر وأصعب منحدر خبطت العربية فى صخرة و قدروا ينقذوا جريس وبنتها من العربية المحطمة بس جراح جريس كانت خطيرة ومقدروش ينقذوها و أتوفت تانى يوم الحادث بس سيتفانى قدروا ينقذوا من مصير أمها . أُعلن نبأ وفاة الأميرة جريس كيلى يوم 14 سبتمبر 1982 و بكدة أسدل الستار على حياة المليونيرة اللى بقت ممثلة وبعدين بقت أميرة وبعد وفاتها بقت أسطورة أسطورة البجعة اللى قال عليها المخرج الرائع هيتشكوك جمالها كالبركان الساكن تحت الجليد .