من شباكي دخل النور صحيت وياه على صوت عصفور كان بيطير بجناح مكسور طار من غصن لغصن وغنى مبسوط وكأن الدنيا ده جنة ناديت عليه وقلت إستنى !! سألته من كسر الجناح ؟؟ قال ياما قست عليه الرياح !! سألته ومن دوا الجراح ؟؟ قلي دواها كان السماح !! سامح وانسى وبكرة تهون مين فينا ماباتش في يوم مظلوم ؟؟ ده كل شئ في الكون موزون ظلم وعدل وخير وشر ده ما في إنسان في الكون ما أندر غرق ووراء خطاياه انجر و بعد الموج وصل للبر أمن بربك وأرمي تكالك عليه إنسى جراحك وفوض أمرك إليه رزقك ورزقي ده كله بيديه سبحانه هو المولى والعاطي بيغفر لكل عاصي وخاطي و يحب كل صابر وراضي بيدك تكون من الأحباب و تفتح في وشك الأبواب أو تكون من الأغراب عايش مدفون وراء سرداب !! صحي الليل ونام النور و راح وفاتني العصفور طار لفوق بجناح مكسور فاتني ..... ومية سؤال في الرأس بيدور