عاش المصرى لما يفكر.. ف اللى مالوش ف الدنيا نصيب.. اللى اتشرد واللى اتجرد.. واللى مالوهش ف بلده حبيب.. جه للدنيا وهو صغير.. شافها غريبة وحاجة تحير.. نايم قايم تحت الكوبرى.. خايف ييجى وياكله الديب.. الخوف والرعب من الدنيا.. خلوا طباعه تكون حاجة تانية.. ولا حس بلمسة حنيه.. حاسس إنه ف بلده غريب.. عضمه ضعيف حاسس بالجوع.. لو نام حبة يقوم مسروع.. ولا فيه صدر حنين ضمه.. ولا ليه صاحب ولا قريب.. مد إيدك بالحب معايا.. نرفع عنه ذنوب وخطايا.. ونخليه يرجع من تانى.. طالب أو عامل كسيب..عاش المصرى لما يفكر.. ف اللى مالوش ف الدنيا نصيب. عمر مرسى أحمد يوسف الإسكندرية