وربنا السكة ماشية!! النهارده بالذات الدنيا مش زحمة للدرجة... إيه العربية المهكعة دي! دي ماشية إزاي والنبي؟! يا لهوي!! دي وقفت. الحاجة اللي تعصب إنها تلاقيها واخدة النمر الجديدة من قيمة كام شهر وتيجي فجأة تقف!! بص والنبي الطريق فاضي إزاي! والناس مكسلة... شكلهم واكلين كرنب وبطنهم متبهدلة ... دول عايزين بيت راحة ... والله اللي سماه بيت راحة ده عداه العيب. أنا باقول اللي مالوش لازمة ومعطل الدنيا ده مكانه بيت الراحة، سواء هيعمل حاجة أو هيعد زي خيبيتهم... ما هو كده كده قاعد زي خيبيتهم بره بيت الراحة، وحاطت في بطنه بطيخة صيفي وبيبلع البطيخ بزبادي وبينام نوم عميق في وسط الشارع وعربيته دايره. طب والنبي ... إنت ياا عم! يااا ريس!! يا.. يا بن الناس!! إعمل حساب الناس وخلي عندك ضمير وراعي ربنا وخلينا نوصل مرة في معادنا، أحسن إحنا متأخرين قوي... مش كفاية إن الكرنب المنيل ده بيبهدل بطن العالم اللي في الشارع! هو إنت يا عمنا بتاكل كرنب من اللي مزروع في الأرض زي اللي موقفين الشارع دول؟ وللا مقضيها "صنع في الصين"؟! بس خد بالك عشان أخاف عليك أنا من الحاجات الصيني اللي بتتباع عالارصفة، بيقولوا إنها لا مؤاخذة ضد الكسر والهضم، عشان كده كل شوية يلموا العيال دي في البُكس! يااااااااااااه!! قلبت عليا المواجع... لما نفتح الراديو نسمع لنا أغنية "خليك معايا! آه ه ه ما تنسانيش! آه ه ه كل الحكاية كل الحكاية كل الحكاية أنا عايز أعيش!!!!!"