الله عليكم رجالة.. فى اللعب كنتم خيالة.. زى الفوارس بتصولوا.. الفوز بتاعنا وبتقولوا.. إحنا الفراعنة يا رجالة.. يا مصر شعبك بيشجع.. ماشفنا مرة العيبة تطلع.. أصل الأدب طبع بلادى.. والذوق طباع كل ولادى.. شفتم شبابنا يا رجالة.. الله عليكم خيالة.. الصبر كان هو سلاحكم.. وإيمانا كان هو إيمانكم.. رفرف علمنا يا رجالة.. دى مصر دايماً بتنادى.. على ابنها واخته هنادى.. عايزين نغنى يا رجالة.. ونسعد رجالنا الشغالة.. عايزين ندوق طعم الفرحة.. وتلبس بناتنا أجمل طرحة.. دا هو علمك يا بلادى.. الله عليكم رجالة.. فى اللعب كنتم خيالة. مهندس عبدالرحمن فهمى [email protected] وحياة كل اللى سهروا وهما بيكى فرحانين.. وحياة كل اللى عشقوكى من آلاف السنين.. وحياة نشيد بلادى وكل واحد قاله ليكى.. هنكسب ف السودان.. والفرحة للمصريين.. وحياة علمك يا بلدى والأيادى بترفعه.. وحياة 80 مليون من قلبهم بيشجعوا.. زى ما ربك وهبنا آخر الماتش ابتسامة.. ولادك م السودان.. بالنصر هيرجعوا.. وحياة كلمة وطن وأغلى وأصفى وأحلى حب وحياة أغنية شادية اللى هزت كل قلب وحياة آخر دقيقة رجعت فينا الأمل.. هنكسب ف السودان.. بس إنتو قولوا يا رب. مينا مجدى استمالك- حقوق حلوان [email protected] مش عشان شايل سلاح.. يحمى بيه عرض الوطن.. يبقى فيه بينكوا اختلاف.. ما انت بتحقق نجاح.. كان سبب فرحة وطن.. يبقى أقولك أنت جندى.. وأنت فعلاً غالى عندى.. أنت شايل اسم مصر.. وأنت رؤية حلم دور.. وسط ضلمة يلاقى ضى.. أو حتى يلمح بس خيط.. مش هقولك إلا كلمة.. تسوى إيه كونك سبب.. فرحة ملت إنسان بسيط.. نفسه بس لو ليوم.. ينكسر سجن الهموم.. دعوته يا رب نكسب.. هاتلنا على إيده نصر.. أنت جندى وغالى عندى.. أنت حلم جميل لمصر. صالح الكيلانى [email protected] يا أهل الجزائر.. كلمة بقولها اسمعوها.. اللى بيننا منافسة عادية.. تغور الكورة لو زعلتنا.. وخلت بيننا وبينكوا قضية.. وما تنسوش إن أمتنا.. اسمها الأمة العربية.. يا كل وسائل الإعلام.. مقروءة ومسموعة ومرئية.. مش عاوزين نسمع كلام.. غير السلام والتحية.. اسم مصر ولا الجزائر.. عمره ما حيكون الضحية.. كلمة حق بقولها لكم.. وغلاوة دم جميلة بوحريد.. أحلامنا هى أحلامكم.. واللى ح يوصل فينا أكيد.. ح نقول له مليون مبروك.. ونشجعه بعزيمة حديد.. بيتنا دايماً ليكوا مفتوح.. يا أخواتنا فى الدين والملة.. بإيدنا نضمد أى جروح.. والوطن العربى مش قلة.. وأمانة اللى فينا يروح.. لبلاد نيلسون مانديلا.. يقرا الفاتحة على روح.. ناصر وأحمد بن بيلا. سمير رشوان