نشر حزب الحرية والعدالة المنبثق عن جماعة الإخوان المسلمين رسالة غريبة من نوعها بلهجة غير معتادة، يشكر فيها الحكومة والمجلس العسكري، متهكما على أسلوبهما في إدارة الإزمات، معلقا "تسقط الحكومة ويسقط حكم العسكر". وتضمنت الرسالة التي بثها حزب الحرية والعدالة على صفحته الرسمية على موقع التواصل الاجتماعي "فيس بوك"، أسلوب سخرية لما وصل به الحال في مصر من اليأس الذي دعا المواطنين إلى أن يتمنوا العودة إلى أيام مبارك. نص الرسالة.. "شكرا للحكومة والمجلس العسكرى اللى بيعاقبونا عشان عملنا ثورة خلعنا فيها كبيرهم.. شكرا للحكومة والمجلس العسكرى اللى بيحاربوا الناس فى ارزاقهم وبيقطعوا عنهم السولار والبنزين عشان كل واحد يتشحطت على محطات البنزين ويلف البلد كلها ميلاقيش يمول وفي الآخر يلجأ للسوق السودا ويشعر انها المنقذ له.. والسائقين يشتموا فى الثورة قدام الركاب اللى بالملايين ويقولوا ولا يوم من ايام مبارك.. شكرا للحكومة والمجلس العسكرى اللى بيحاربوا الناس فى اكلهم ومانعين عنهم الغاز عشان يبهدلوهم ويقولوا ايه يعنى كانوا سارقينا بس كنا مرتاحين.. شكرا للحكومة والمجلس العسكرى اللى بيشوهوا اهداف الثورة.. تسقط الحكومة ويسقط حكم العسكر". الصفحة الرسمية لحزب الحرية والعدالة علي "فيس بوك"