نشرت صفحة "كلنا حمدين صباحى" على موقع التواصل الاجتماعى "فيس بوك" نص قصيدة باللهجة العامية كتبها حمدين صباحى المرشح الرئاسى السابق، داخل زنزانته بالمعتقل عام 1997 أثناء مشاركته فى مظاهرات الفلاحين. ونشرت الصفحة مقطع فيديو من إحدى حلقات برنامج آخر كلام الذى يقدمه الإعلامى يسرى فودة يظهر فيه صباحى يلقى قصيدته. يذكر ان صباحى يكتب شعر العامية والفصحى وزامل - فى بداياته - العديد من شعراء كفرالشيخ - مسقط رأسه - الراحلين والمعاصرين، ويتمتع بذاكرة فولاذية تحوى كمًا هائلا من المحفوظات لأشعار الكبار. ولد صباحى فى 5 يوليو عام 1954 بمدينة بلطيم "البرلس"بمحافظة كفرالشيخ، وأسس رابطة الطلاب الناصريين بمدرسة الشهيد جلال الدين الدسوقى. وقد انتخب رئيساً لاتحاد طلاب مدرسة بلطيم الثانوية، ثم رئيسا لاتحاد طلاب كلية الإعلام بجامعة القاهرة ونائبا لرئيس الاتحاد العام لطلاب مصر عام 1975. القصيدة يا آمال .. يا أخت الروح .. يا وردة العصيان طالعة بلون الدم .. بطعم قوت الغلابة من خبيز الهم .. وبريحة الأرض ساعة الرى .. بالحزن والفرح اللى راح .. والجاى .. طالعة ومين يوقفك .. يا ويل عدوينك . الأرض شرفك ودينك .. وخولية الباشوات أهم راجعين .. يخدوها بالقوانين .. يخدوها بالعسكر .. ويرجعوا اللى كان .. وانتى اللى واقفه لهم على رأس القيراط .. ددبان . بتحقى حق الفقير .. ضد الجشع .. والزيف .. على قد ما انتى ندية .. نسمة فى صهد البيوت .. فايحة بطراوة الغيطان .. على قد ما أنتى بهية .. وعفية فى الميدان .. بالطرحة والنبوت .. صوتك سطع كالسيف .. لما التقى الجمعان : الفقرا .. والعسكر .. ولقيتى روح الغيطان بتهج .. وتفرفر .. وأخضر الفرح دابل .. من صفار النوح .. صرختى من عزم ما بك .. دم البلد مسفوح .. يا روح ما بعدك روح .. وإيش فايدة الروح .. إذا عشنا فى صمت جبان .. مايل ميزان العدالة .. فى البر يا جدعان .. محتاج شهادة الشهيد .. تعدله عدلة .. يا حربك العادلة .. اللى فرضها عليكى .. خدم وأسياد الدولار .. بتخوضها روحك علشان الأرض والعيل .. لو بس مكانش .. ميزان البلاد ميل .. وايه تعمل الحرة .. لو باتت ضناها جدعان .. تنام ذليلة وقليلة فى زحمة الطايعين .. ولا تهين عرضها فى زمرة الضايعين .. ولا تقول كلمة تحدفها على الزنازين .. ولا تضحى بحياتها وتعدل الميزان ؟ آمال .. يا أختى .. وصلت رسالتك من المنيا .. لزنزانتى .. شايف شهادتك بتروى الأرض .. والإنسان .. ودمك الحر .. بيصحى كرامة النيل .. يا وردة العصيان . قصيدة "ياوردة العصيان" للشاعر حمدين صباحى