حقق الهاشتاج الذي أطلقه نشطاء تويتر(#مرتضى_بيشتم_السيسي) اقبال تاريخي وغير عادي في زمن قياسي ، حيث سارع النشطاء بإطلاق الهاشتاج بعد ما تحدث في اتصال هاتفي لبرنامج ستاد معروف الذي يقدمه الناقد الرياضي محمود معروف على قناة العاصمة ، وقال مهاجما الرئيس السيسي وهو يتحدث عن خصمه سامح سيف اليزل " إنت عايزنا نقلب على الراجل ولا ايه ..أنا لو قلبت انا مابخافش من حد ومحدش بيجاملني في حاجة ، وانا لما رحت ونزلت وقلت السيسي مخدتش منه حاجة ولا عايز ابقى محافظ ولا وزير ولا حاجة انا نزلت بدراعي ، وحملة تشهير ضدي انا وابني ونجحنا احنا الاتنين ، احمد ابني نزل في دايرة المشاهير وكسب الشوبكي والناس بتقول اصل الشوبكي صاحب السيسي وهو زعلان عليه ، طب ماتزعل ...هو ده الشباب اللي انت ياسيسي عايزه ؟ زعلان علشان الشوبكي اللي سافر أمريكا وقال انك عملت انقلاب ضد مرسي ؟ انا فاكر ان السيسي يبقى فرحان أوي إن شاب في سن احمد يكسب واحد سافر امريكا وشتم مصر ..هو ده صاحبك ياسيسي ؟ اذاكان ده صاحبك خلاص الحساب قادم.. ويكمل مخاطبا سيف اليزل : أنا مش هاسكت وباقول أهه وباحذر ، واللي بتعمله ده تآمر ضد الدولة ، وانت محسوب على السيسي وبتخوف الناس بيه ، تخش المجلس تحترم نفسك ..انت نفر وتحذير اخير ليك ياسيف اليزل للي وراك احنا بندعم السيسي علشان مصر في عنق زجاجة وماشية في حصار اقتصادي ..فماتخلوش اللي جوه يقلبوا هم كمان ....قصة دعم الدولة من بكره تتلغي ، واللي هيقول لي دعم دولة هنبتدي نحكي على الفور تم اطلاق الهاشتاج الذي ازدحم بكمية كبيرة من التغريدات تضمنت التعليقات والصور الساخرة ، واغلبها يدعو الرئيس السيسي للإنتقام من مرتضى منصور ومحاسبته على ما تفوه به ... كان من أهم وأطرف تلك التغريدات على الهاشتاج : **الحصانة بدأت تعمل شغلها دة احنا هنشوف ايام سودة ** اعمل حاجة ف حياتك صح ياسيسى وخلصنا من البكابورت ده لو مش عشان مصر والرياضة والذوق العام عشان نفسك