علق باسم يوسف في برنامجه "البرنامج" الليلة على قرار اثيوبيا المفاجيء بتحويل مجري النيل الأزرق بعد عودة الرئيس محمد مرسي من هناك مباشرة قائلا: "بركاتك يا مرسي". كما علق على قول وزير الري بأنه تفاجئ بالقرار ، قائلا : "دي حتى وحشة في حقك كوزير انك تتفاجيء زيك زي الناس العادية، تقول ايه لاصحابك طيب، تقولهم استلمت مصر هبة النيل ، خليتها هبة بس" . و علق باسم على قول الرئيس مرسي أن المياة لن تنقص بل ستزداد، واننا سندعو الله، ونساوي بين الناس ، ونتعامل بالاحترام والحب ، قائلا: " بالنسبة للدعاء في ناس كتير بتدعي ربنا ان الهم ينزاح ويتفك الكرب" مشيرا بذلك لحكم الاخوان . وانتقد باسم يوسف طريقة تعامل الاخوان مع المشاكل قائلا: " الاخوان دايما شايفين ان مفيش مشكلة اصلا ، ولو فيه مشكلة تبقى مشكلة مفتعلة أو بسبب النظام السابق ، ولو اتحلت المشكلة يبقى هما الي حلوها " . كما انتقد تعليق الاخوان بأن " الي يقولك هو مرسي يعني الي رجع الجنود ، قوله يعني هو مرسي الي كان بيقطع الكهربا " قائلا : "طب متزعلوش، مرسي هو الي رجع الجنود، وهو الي بيقطع الكهربا ، هي دي كل مشكلتكم ؟ انتوا مش عايزين أي حد يحملكم مسئولية أي حاجة خالص ؟! "