- طلباتك ايه يا عمي؟ - يابني احنا بنشتري راجل. - معلش يا عمي عادي قل لي إيه طلباتك. - شوف يابني بنتي شقتها تكون جنب مامتها.. وبالنسبه للشبكة، فبنات عمام العروسة بيجيبوا داماس أو لازوردي، وبالنسبه للمهر فأقل واحده فيهم 50 ألف جنيه، وبالنسبه للمؤخر فزييهم، والفرح عليك! وبالنسبة للقايمة... - قايمة إيه يا عمي! - معلش يابني لازم القايمة ونحط فيها كل العفش ونكتب كل التفاصيل ونصور كل حاجه كمان! *** وتم الزواج وبعد مرور مدة من المعاناة.. يطلب العريس من والد العروسه مقابلته: - يا عمي مافيش أي تفاهم وبنتك كل حاجة مشاكل وعناد وخناق والحياة جحيم. وياريت كل واحد يروح لحاله! - طيب يا بني انت كده تجهز مبلغ المؤخر وهناخد العفش والدهب ونفقة العدة ونفقة المتعة. ولا تستهدوا بالله وتحاولوا تصلحوا مشاكلكم؟ - نستهدى بالله يا عمي! بعد فتره أقل من الأولانية: العريس: تعالى يا عمي خد بنتك وخدوا اللي انتو عاوزينه!