شاهد حلقة "الصندوق الأسود" الممنوعة من العرض... من طرف ahmedshika عرض الإعلامي عبدالرحيم علي، نص المكالمة بين نجيب ساويرس ومحمد البرادعي بتاريخ 9 مارس 2013 وكانت نص المكالمة كالتالي: نجيب: إزيك يا دكتور أخبارك أيه؟ البرادعي: تمام ماشي الحال نجيب: أنا سمعت أن الدنيا مش مظبوطة خالص البرادعي: أهو كل الأمور ملخبطة محدش فاهم حاجة، حتى الجماعة الأمريكان والأوروبين بيتكلموا كتير لكن مواقفهم عايمة ومش مفهومة، ومتقدرش تمسك معاهم كلام واضح، والجماعة اللي عندنا واضح أنهم هيسيبوا الأمور زي ماهية نجيب: أنا فاهم قصدك كويس البرادعي: حتى كان في تهديدات ليا الفترة اللي فاتت وعينوا ليا حراسة من الداخلية.. أنت عارف إني لسه راجع من النمسا، كنت في زيارة سريعة وقعدت مع الجماعة بتوع الاتحاد الأوروبي لكن مطلعتش بحاجة نجيب: اتكلموا معاك ف حاجة؟ البرادعي: الكلام كتير حوالين الإخوان والسلفيين والشباب وكمان جابو سيرة الجيش وكان معظم كلامهم أنهم عاوزين استقرار، الناس دي يهمها أن الوضع يستقر عشان مصالحها يا نجيب نجيب: مؤكد وده الكلام اللي بيتقال عندي هنا في باريس البرادعي: كان فيه كلام كتير في مصر عن أن محمد مرسي عاوز يعزل الفريق عبدالفتاح السيسي لأن الجيش مش مريحه، يظهر فيه عكوسات بينهم كتير، لكن الحقيقة احنا مش شايفين حاجة زي دي نجيب: يعزلوا أيه.. يعزلوا مين، ده أنا عارفهم كلهم من أيام المجلس العسكري لما كنت بقعد معاهم ناس مستحيل نتعامل معاهم بقدر من الثقة، السيسي، مرسي اللي جابوا وزير يعني الراجل بتاعهم تقولي يعزله ده كلام بيضحك بيه على الناس هو مش طنطاوي وعنان اللي سلموا البلد للإخوان من أيام ما كنت بحضر اجتماعات المجلس العسكري كان باين أنهم إخوان أكتر من الإخوان كلهم بلا استثناء البرادعي: لا يا نجيب المسائلة مش أوي كده أنا عارف الناس دي وقعدت معاها لكن هي مشكلتهم أنه هما ما بيثقوش في حد غير نفسهم ومعندهمش خبرة سياسية نجيب: أنا معاك.. بس لولا أن هما كمان متفقين مع بعض مكنتش الأحوال مشيت بالطريقة دي، ودور عليهم النهاردة تلاقي السيسي بقا وزير وحجازي مسكوه المخابرات ومحمد العصار وممدوح شاهين اللي كانوا أقرب ناس للإخوان وطنطاوي وعنان هما دلوقتي اللي ماسكين كل حاجة في الجيش.. الناس دي مربطة مع بعض واحنا اللي مضحوك علينا نجيب: عموما أنا رتبت أحوالي مع الجماعة الفرنساويين لغاية ما نشوف الأمور هتمشي إزاي.
