تحدث محمد عطوة لاعب نادي الاتحاد السكندري عن فترة وجوده في نادي بيراميدز خلال الموسم الماضي والذي شهد عدم مشاركته بشكل مستمر. وقال عطوة في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "مكنتش حابب اتكلم عن الفترة إلى قضيتها في نادي بيراميدز بس لما المهدي سليمان اتكلم قررت اطلع اتكلم عن إلى حصل معايا". وتابع "البداية كانت أن كلمني مسئول من بيراميدز يأكدلي أن ديسابر المدير الفني للفريق طالب ضمي للفريق، نفس المسئول ده كان وكيل لاعبين قبلها وكان بيقود مفاوضات الأهلي لضمي مع أمير توفيق مدير تعاقدات الأهلي". وأضاف "المسئول ده جه واستقبلني في المطار وتاني يوم انضميت للمران واتفاجئت أن ديسابر بيسألني انت بتلعب في مركز إيه". وواصل " لما نزلت التمرين مع بيراميدز كان بقالي مش بتمرن علشان الموسم منتهي في السعودية قولت للجهاز الفني بلاش يكون في حمل كتير في التمرينات زي باقي اللاعبين وأبدأ بشكل تدريجي، ولكن اكني متكلمتش وعلى العكس خففوا الحمل مع لاعب من أوغندا انضم جديد". وتابع عطوة "لعبت مباراة ودية قدمت مستوى كويس والمدير الفني قالي انت هتبقى أساسي، بعدها اتفاجئت اني برة أول الماتش رسمي ولما اتكلمت معاه قالي انه طلب ضم مدافع وبيفكر يلاعبني في خط وسط المدافع". وأضاف "اتكلمت مع مسئول بيراميدز إلى كان مدير تعاقدات وقالي إن ديسابر شايف إن الدوري السعودي دوري ضعيف، قالي لو منك تطلع إعارة لأن فرصتك صعبة في اللعب قولتله عادي أنا موجود مع الفرقة وممكن المدير الفني هو إللى يمشي في أي وقت".