(المواطن الغلبان حسن حصاوي يُغشي عليه من حين لآخر، وعندما يفيق لا يفهم ما حدث حوله من تغيرات) (تعب حصاوي من مشاكل الصرف الصحي في الشقة التي يسكنها، وفجأة قُبض على سباك الحي وحُبس، ونصحه البعض بسباك لا يعرفه) السباكيا خبر أسود.. أنت عندك مشكلة كبيرة. حصاويطب وبعدين؟ مش تتصلح يا أسطى؟ السباكما ينفعش. كل الصرف الصحي اللي عندك ما عدش نافع. حصاويأزاي؟ السباكزي الناس، مش كل حاجة ولها عمر زي البني آدمين. حصاويطبعًا. السباكخلاص.. وكل اللي عندك من حنفيات ومواسير ومراحيض وتوصيلات انتهى عمرها الافتراضي. حصاويما كل حاجة كانت شغالة لحد يومين بس. السباكلا كانت الحنفية بتنقط.. وجه السباك بتاعك الله ما يخليه يورد على جنة وربطها لك بدوبارة، وحنفية الدش حط لك تحتها طشت وكل ساعة والتانية تفرغ الميه منه، والسيفون بطل يشتغل خلاك تدلق ميه في الكنيف. حصاويأيوه.. لكن. السباكوالحوض مش فيه خرم وبتنزل منه الميه؟ حصاويأيوه والسباك اللي قبلك سده بشوية إسمنت. السباكما هو الخرم ظهر تاني. حصاويأيوه.. بس. السباكما بسش، ومش البلاعة أتسدت؟ حصاويما أنا السباك اللي قبلك اداني سلاكه، وبسلكها بنفسي من وقت للتاني السباكأمال جبتني النهار دا ليه؟ حصاويعشان تصلح لي كل المشاكل دي مرة واحدة. السباكقول كده بقي.. عينيا يا سعادة البيه.. إحنا نخدمك من غير حاجة. حصاويتشكر يا أسطى السباكيبقي لازم تعمل ثورة حصاويثورة؟ السباكأيوه، تنسف حمامك القديم بعدها ترتاح مرة واحدة. حصاويفكرة برضة والحكاية دي تتكلف كتير؟ السباكمصنعيتي عشر تلاف جنيه بس. حصاوييا نهار أسود. دا الجيران قالوا لي عليك أنك تقي. السباكأربع تلاف عشان خاطرك.بس ما تجيش بعد أسبوع تقولي الشغل باظ. حصاويكمان؟ السباكما هو أنا مش زي اللي قبلي.. أنا راجل بعرف ربنا. حصاويطب خليهم ألف جنية. السباكأنت عايز تاكل عرقي وحقي يا أستاذ؟ حصاويودا اسمه حقك؟ السباكأيوه.. أشمعني أنتوا يا أفنديات بتقبضوا ألوف الجنيهات؟. حصاويأنا كنت موظف وعمري ما خدت حقي ولا عشر حقي. السباكوأنا ذنبي إيه ؟ كفاية أنت لابس قيمص وبنطلون وجزمه وأنا ماشي بجلابية وصندل؟ حصاويوأنت تعرف تشتغل شغلتي؟ السباكيعني أنت اللي تعرف تشتغل شغلتي؟ حصاويالسباك اللي قبلك اللي محبوس دلوقت ما كنش طماع زيك. السباكخلاص خلي نصاب زيه يستغفلك. يا خد فلوس أقل مني، بس يلصم لك العفشه وبعد يومين كل شغله يبوظ وتدفع له تاني. حصاويأنا غلطان أني بكلم واحد جاهل زيك. السباكوهي القراية والكتابة شغلانة؟ حصاويبس المتعلم يقدر يشتغل أي شغلانة إن شالله يوصل رئيس وزارة أو رئيس جمهورية. السباكواللي معاه شهادة الهندسة ولا الطب ولا الحقوق يبقي رئيس بسهولة كدا؟ حصاويلا.. بس ممكن بشرط يكون أمين وعالم وبيفهم والناس بتحبه، هيبقى ناقصة إيه؟ السباكناقصة دقن وسبحة وزبيبة.. وأدي السبحة في أيدي والزبيبة في قورتي والدقن بربيها وعقبال مخلص محو الأمية تكون كبرت. ( حصاوي يغشي عليه )
