قال الإعلامي خالد تليمة، إن الشهيدين الشحات وأبو شويقة، قدما رسالة بأن التضحية وتقديم الروح فداءً للوطن لا يوجد فرق بين الأغنياء والفقراء، مشيرًا إلى أنه يجب النظر لمن يستحق من الشباب والكفء منهم يأخذون حقوقهم. وأضاف "تليمة" خلال تقديمه لبرنامجه "صباح أون" على فضائية "أون تي في"، اليوم الأحد، أنه لا يجب منع الشباب من دخول النيابة العامة لمجرد أن أهلهم فلاحين، مضيفًا: "يعني ينفع يضحوا بأرواحهم ويفدوا جيشهم في مواجهة الإرهاب بس مينفعش يتعين في النيابة دا كلام مش منطقي، ليه مينفعش يدخلوا كلية الشرطة ولا النيابة ولا الحربية، زي ما بنكرم الناس دي، لازم ولاد الفقراء ميلاقوش صعوبة في التقديم للأماكن دي". وأكد "تليمة": "زي ما بنقول في موت الشباب دول إنهم ضحوا عشان الوطن والبلد مفيش فرق بين غني وفقير، عايزين نرجع لدستورنا اللي مرجعيته بتقول إن كل الناس سواسية، ما زلنا نشوف تمييز في بعض الأماكن في مصر، إحنا مش عايزين نشوف الحالات الواضحة والتمييز دا". ووصف تليمة، حالات رفض أبناء الفلاحين من دخول النيابة بأنها تصرفات "رجعية ومتخلفة وقد عفى عليها الزمن"، مضيفًا: "إحنا مش بنشوف التصرفات دي إلا في مجتمعات العالم العشرين، في ناس كتير أكفاء في مراكزهم ومش عارفين يوصلولها عشان هما ولاد زبالين وفقراء".