شن الإعلامي جابر القرموطي، هجومًا حادًا على وزير الري الحالي، قائلاً: "أنا بسبب سد النهضة بقيت موطِّي راسي في الأرض"، موضحًا أن الشعب المصري وصل لمرحلة الشعور بعدم وجود أي تقدم في أزمة سد النهضة. وأضاف "القرموطي"، خلال تقديمه برنامج "مانشيت"، المذاع على فضائية "أون تي في"، الأربعاء: "أنا عاوز اعرف الملف ده رايح على فين ومفيش اي تقدم على الارض في أزمة سد النهضة وبصراحة الوزير بيضحك علينا ومش مصدقه"، متابعًا: "لو وزير الري مش قادر يدير ملف ازمة سد النهضة سيبها لحد تاني واحنا بناخد زقة لورا". وتابع: "احنا عمالين ناخد.. من تصريحات اثيوبيا اللي كل شوية تؤكد انهم شغالين في السد واحنا قاعدين بنتفرج احنا محتاجين نطمن".