هاجم الإعلامي تامر أمين، الراقصة دينا خلال حوارها مع فيفي عبده في برنامج "خمسة امواه"، قائلا: "أنا رغم أن هيجيلي سكتة قلبية.. بس مش مستغرب من حوار يكون بين واحدة زي دينا وفيفي عبده ودي مش غلطتهم لأنه ده مستوى الحوار المتوقع اللي بينهم إنما غلطة اللي سمحلهم أنهم يظهروا على التليفزيون". وتابع أمين، خلال تقديمه برنامج "من الآخر"، المذاع على فضائية "روتانا مصرية "، مساء اليوم: "والله أنتم بتزودوا الفوضى والتوهان.. وواحدة زي الراقصة دينا بتقول الراجل لما يصلى الست تخاف منه وترد عليها الفقيهة فيفي عبده تقوليها أنا ضد حكاية الراجل يتجوز 4 .. يعني خلاص بقيتي فقيهة في الشرع". وتابع: "ارحموا البلد الشباب بقا عقله فخفخينا.. اللي مش عاجبه البلد وعاوز الهشك بيشك عنده مليون دولة تانية بتحب الكلام ده"، مختمًا، السلام عليكم.