حتي التمرجي مشي ساب النزول وسابه قاعد لوحده والمرض واخده بره الجسد والضوء قاعد بيقرا في كتاب الشوق سايب رسالة علي الموبايل فوق سرير لحده فايت لكم كتبي أنا لسه خارج من جروبي وردة حمرة علي الجاكتة ماشي في أيديه الحياة والبنات نايمين في قلبي قولت مش شاعر فئة فتحت للأزهار رئة سبب غيابي إني بطرد من جسمي سم الأوبئة من مكتبه في الحزب م الغرفة القزاز عنيه خرجت للمدي شايلة خبز اللغة فيها حدق غماز رايحة ع الورد اللي نايم في الخيم.. من برد الشتا والغاز غمض علي وشه ابتسامة وقفت علي رأسه حمامة روحه بتلف الميدان دلوقت يطلع ع المنصة وردة حمرة علي الجاكتة والبنات حواليه خميلة يفك طلسم قصيدة وينحي رمز ويقول بيان!