طالبت الناشطة السياسية نوارة نجم رئيس الجمهورية د. "محمد مرسي" بالعفو عن جميع المعتقلين السياسيين خلال أحداث الثورة، قائلة له: "حسبي الله ونعم الوكيل فيك يا مرسي في كل ثانية بعدد كل مسجون ظلم وبقدر زعل امهاتهم واسرهم عليهم.. في ساعة اذان". وأكدت نجم على استطاعة مرسي الإفراج عن كافة المعتقلين، وأنه سيكتب عند الله حاكما ظالما إن لم يقم بالإفراج عن كافة المعتقلين، موضحة: "هو يقدر يطلق سراحهم والمجلس العسكري لبسه اهو.. كل ثانية مظلوم نايم فيها في السجن مرسي مكتوب عند الله حاكم ظالم"، مضيفة: "السؤال تاني: حتعمل ايه يا مرسي لو مت دلوقت وربنا سألك على 12 الف محاكمين عسكريا؟ حتقوله كنت باخد تان مع المشير؟". وأشارت نجم إلى أن الثوار هم فقط الذين يحق لهم نقد مرسي، ولا يحق لمن لم يشاركوا في الثورة أو من انتخبوا الفريق شفيق انتقاد مرسي، وقالت نجم معربة عن موقفها هذا: "الرئيس ده احنا اللي نشتمه بس عشان احنا اللي جايبينه اي فلول ولا دلاديلهم بتوع طال عهده يطول لسانه حنجزهوله ده بتاعنا بابا جايبهولنا نلعب بيه". وطالبت نجم - خلال تغريدتها على موقع التواصل الإجتماعي "تويتر" اليوم الأحد - جماعة الإخوان المسلمين بعد التدخل عندما يقوموا بنقد "شتم" الرئيس – على حد تعبيرها -، قائلة: " قشطات كده عشان نبقى واضحين مع بعض.. حنشتم مرسي والاخوان يسكتوا عشان لولا بهدلتنا ما كانوش عرفوا ينتخبوا، والفلول ما يشتموش اللي احنا جبناه". وأضافت: "والفل اللي قاعد يشتم وراح انتخب شفيق برضه مالوش دعوة مرسي بيعمل ايه وما يشتموش.. احنا بس اللي نشتمه، متابعة: "الرئيس ده آخر حاجة جابته التصويت.. الرئيس ده جه بالدم والبهدلة والنومة في الشارع، اللي اتبهدل بس هو اللي يشتمه".