لم تتحمل والدة الفنانة الكويتية شجون الهاجري بالتبني، الألم النفسي الذي وقع عليها بعدما كشفت الفنانة أمام جمهورها أنها لقيطة تربت في دار رعاية، وتبنتها أسرة كويتية واكتشفت حقيقة الأمر عندما وصل سنها 13 عاماً. السيدة أحلام وجهت رسالة لشجون عبر صحيفة « الوطن» الكويتية ،طلبت أن تكتب بالعامية لتكشف ما يضيق به صدرها ، قالت فيها :«شجون يمه صج ما حملت..بس يا يمه أنا ربيت، لازم تعرفين اني أمج، والله العظيم عمري مافكرت اني..تبنيتج، ولا أرضى أحد يقول عنج لقيطة، ولا كنت ابيج تطلعين تتكلمين هذا الكلام، شلون تقولين جذيه.. ايدي شالتج وعيني شافتج وقلبي حبج..يمه اللي تسوينه صعب عليّ، لا ليلي ليل ولا نهاري نهار وانتي تلفونك مصكر، قلبي منشوي شوي، ولا اعرف حتى آكل الزاد...لا تسمعين كلام الناس، ياحبيبتي وروحي انتي، بس رديلي روحي يا يمه». وتابعت السيدة أحلام :«يمه ليش تسوين بنفسج جذيه.. صعب على قلبي القاج بالجرايد وعلى انستغرام تبجين وانتي منهارة، من ليلتها أنا مو نايمه..ربيتج صغيرونه حتى كبرتي وبفرح فيج، طول الوقت يايمه اتخيلج بالبيت تمشين والا نايمه ليش تعورين قلبي بغيابج..يمه انا ما فيني شدة عذاب انتي عارفه ابوج مريض وتعبان، وانا مجابلته محد معاي». وفي النهاية قالت لها :« يا شجون يا بنيتي لا تسوين بروحج جذيه، انا حاسة فيج وانتي بعيدة عني كلشي يصير فيج احسه تكفين يا بنتي عيشي حياتج لا انتي اول وحدة ولا أخر وحدة الناس تزوجوا وعاشوا حياتهم هذه كتبة الله». يذكر أن شجون الهاجري كشفت أنها لقيطة على صفحتها بالانسجرام وصدمت الجميع بهذا التصريح ، وظهرت في مقطع فيديو تبكي وتتلثم بالكلام أمام الجمهور.
