أكد الناشط وائل غنيم أن ثورة 25 يناير لن تضيع، مهما كان اسم الرئيس القادم، وأن سياسة القمع لن تعود مرة أخرى، قائلا، "الثورة مش هتضيع بغض النظر مين اللى هييجى رئيس، ومهما حصل مفيش حاجة اسمها إن دولة القمع هترجع تانى والشباب مش هيرجع يخاف تانى بعد كسر حاجز الخوف وسقوط مبدأ الفرعون الحاكم اللى صوره واسمه فى كل مكان رئيس الجمهورية القادم مش هياخد ثقة أكتر من 60% من الشعب". وأضاف غنيم، على حسابه الشخصى على موقع التواصل الاجتماعى "فيس بوك"، "الثورة مستمرة وبتناضل وبتكسب مكاسب واضحة كل يوم، مؤكداً أن الثورة مازالت مستمرة وأنها لن تضيع، وأنها حققت مكاسب عديد"، قائلا، "الثورة حققت انتصارات كثيرة، لو حد حكاها لأى واحد فينا من سنتين كان هيفتكره مجنون رسمى، بس إحنا اللى مصممين نبص فى الخساير وبس".