قبل عام 2014 (مكناش) نعرف حاجات كتير عن البلد والخطط المستقبلية للملفات الحيوية المرتبطة بمعيشة المواطن ومستقبله ..كنا لا نعرف حجم المشاريع الجديدة التى يتم تنفيذها وتكلفتها ولا حجم الدخل الحقيقى للدولة ولا نعرف حجم الديون الداخلية والخارجية ولا حتى أسعار السلع الحقيقية .... كنا نعانى من عدم وجود شبكة طرق ولا توجد مدن سكنية جديدة تتناسب وحجم الزيادة السكانية .. كانت خطط تعمير سيناء على الورق فقط .. البنية الصحية كانت منهارة .. عدد المدارس والجامعات كان قليلاً جداً بالنسبة لحجم عدد السكان .. قبل عام 2014 تم تجريف نصف الأراضى الزراعية تقريباً بدون رقابة ولا حساب .. فى هذه المرحلة رئيس مصر بيتكلم عن كل حاجة تمس المواطن .. أصبحنا نعرف المشروع بيتكلف كام والمشروعات اللى بتخلص بتفيد المواطن فى ايه .. أصبح لدينا محطة سكك حديدية ومطارات عالمية .. عندنا شبكة طرق هى الأفضل فى الشرق الأوسط .. عندنا موانئ تليق بمصر ومكانتها .. عندنا عاصمة إدارية جديدة هى الأحدث فى المنطقة .. فى حاجات كتير أوى اتغيرت فى البلد ..يعنى لو قلنا عندنا بلد جديدة يبقى مش بنبالغ ..المهم لازم نعرف إن كل المشروعات الجديدة تكلفت تريليونات الجنيهات وكلنا شاركنا فيها ..لازم نعرف إن كل مشروع قومى وتنموى جديد هو ملك لكل المصريين ..علشان كده لازم نحافظ على حاجتنا وحاجة ولادنا ..لازم نخلى بالنا كويس أوى إن كل الدول اللى حوالينا بتتهد واحنا بفضل الله بنبنى ونطور ونعمر وعندنا أمل فى بكرة علشان نكون أحسن وتكون مصر كبيرة وشامخة وصامدة بينا كلنا ..احنا اللى نقدر نبنى ونعمر ونحافظ على بلدنا ..بفضل الله يقود الدولة فى هذه المرحلة الصعبة الرئيس عبدالفتاح السيسى وهو رجل وطنى مخلص لمصر وشعبها .. وكمان جيشنا العظيم قادر أن يدافع عن البلد ويشعرنا جميعاً بالأمان .. مصر تستاهل من كل أولادها الحفاظ عليها وأن نكون يداً واحدة لنستطيع استكمال مشوار البناء والتقدم .. اللى بيحصل فى بلدنا يفوق الواقع بس المشوار لسه طويل. تحيا مصر