كشف الفنان أحمد صيام عن كواليس إصابته بسرطان الرئة منذ ما يقرب من 17 عاما لينضم بذلك إلى قائمة الفنانين الذين يخوضوا حروب ضد السرطان وأشار أحمد صيام أن السبب في إصابته بسرطان الرئة هو تدخينه السجائر بشراهة. وأوضح أحمد صيام تفاصيل اكتشافه إصابته بالمرض قائلا :«كنت بدخن 6 علب سجائر في اليوم ومستحيل تشوفيني من غير سيجارة.. أول ما أصحى لغاية ما أفطر بشرب 6 أو 7 سجاير.. وفي لحظة صحيت من النوم حسيت الدنيا مهزوزة وقتها قولت إيه اللي أنا فيه ده». وتابع قائلا :«الوقت ده خوفت وقررت ماشربش سجاير ودخلت المكتب ورميت السجاير اللي عندي وقولت مش هشرب تاني» مضيفا :«بعدها بيومين روحت للدكتور أكشف وبعد ما عمل التحاليل والأشعة فجأة لقيته بيقولي فيه سرطان في الرئة». إقرأ ايضا: ضد الزوجة الثانية ومع المُساكنة.. أبرز تصريحات إليسا في «بيت السعد» واستكمل موضحا خلال لقائه في برنامج «الستات» مع مفيدة شيحة وسهير جودة:«مرات أخويا دكتورة قالت لي لازم ناخد عينة ونحلل ونمشي في طريق العلاج.. قلت لها لا هنحلل ولا هنعمل ومتجبيش سيرة لحد وهنسيب الجثة مقفولة لغاية لما نسلمها لأصحابها». وأضاف أحمد صيام كاشفا عن رحلة علاجه من سرطان الرئة مشيرا إلى أنه أزال إحدى فصوص الرئة اليمنى للتخلص من الورم ليبدأ بعدها العلاج الكيماوي قائلا :«روحت للدكتور وقال لي الورم على فص من الفصوص الثلاثة اللي في الرئة اليمين وإحنا هندخل نشيل الفص ده كله». وتابع :«مراتي وقتها عرفت هي وكل أخواتي ولما اتقال لي عندك سرطان حسيت إني مضغوط وهقع.. وعيالي وقتها كانوا صغيرين أطفال.. وبعد شوية قلت لنفسي إيه المشكلة أخاف من الموت علشان إيه». واختتم حديثه قائلا :«عملت الجراحة وأنا داخل العمليات كنت بضحك وكل اللي حواليا قلقان وأخدت كيماوي بعد الجراحة و3 جرعات وقائية وكل 6 شهور بعمل فحوصات من 2007 لحد دلوقتي».
