تحدث مصطفى شوبير حارس مرمى النادي الأهلي عن كواليس غرفة اللبس بين شوطي مباراة الأهلي والزمالك التي انتهت بفوز المارد الأحمر بخمسة أهداف مقابل ثلاثة. وقال شوبير في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "نتيجة المباراة توقفت عند 5 أهداف لعدة أسباب". وتابع "عدم زيادة الأهداف قلة تركيز واننا حسينا ان المباراة بقت اسهل بعد الهدف الثالث وده الي كان الكلام عليه في اوضة اللبس". وأضاف شوبير "في اوضة اللبس إللي حصل خلاني أحس اننا خسرانين 3 – 0 مش كسبانين الزمالك، من الطريقة والزعيق والأسلوب الي حصل حسيت اننا خسرانين". وواصل "كان لازم نعمل ده علشان في ماتش السوبر المحلي في برج العرب في وجود فايلر كسبنا 3 في الشوط الأول والزمالك رجع في المباراة بعد اصابة لعيبة في المباراة وكان وارد الزمالك يتعادل". واختتم شوبير تصريحاته "محمد الشناوي كان بيتكلم بجدية قوي ان المباراة لسة مخلصتش ولسة في 45 دقيقة تانية وان زي ما الأهلي جاب 3 في شوط الزمالك يقدر يجيب 3 في شوط، افتكروا ماتش السوبر ايه الي حصل، وده نفس الي أكد عليه موسيماني انه عاوز يزود عدد الأهداف".
