حلت الفنانة إلهام شاهين ضيفة على برنامج «السيرة» من تقديم وفاء الكيلاني ويعرض عبر قناة «dmc»، وفي الجزء الأول من حلقتها تحدثت إلهام عن بداياتها الفنية وعلاقتها بوالدها الذي كان رافضا دخولها مجال التمثيل. ونستعرض في نقاط أبرز تصريحات إلهام شاهين: - "والدي دخلني كلية لغات وترجمة جامعة الأزهر واختارها علشان قريبة من البيت وكلها بنات، طول عمري كنت في مدارس بنات ومكنش عاوزني أختلط بالأولاد". - "والدي كان شخص منفتح جدا لكن كان بيغير عليا وكنت غالية عنده أوي، أنا أول أولاده وكان دايما بيقولي الكبيرة". -"دخلت معهد فنون مسرحية علشان أبقى مخرجة، وفي امتحان القبول كان لازم أمثل". - "بابا رفض أني أحول من جامعة الأزهر لمعهد فنون مسرحية وقالي هتضيعي مستقبلك وقالي الوسط الفني صعب وهتدخلي وسط غابة أسود ونمور وأنتي عصفورة هتضيعي وسطهم". - "معلومة أن الممثلة إلهام زكي عمتي غلط، أنا عندي عمة واحدة ملهاش علاقة بالفن وأنا معرفش إلهام زكي ولا شفتلها حاجة". - "والدي شاف أول مسرحية قدمتها في المعهد وأعجب بأدائي لدور ملاك، لكنه رفض مشاركتي في أعمال سينمائية لأن بها حرية أكبر". - "أنا خربت حياة والدتي، لما قررت أنها تسافر معايا إلى الإسكندرية لتصوير فيلم هناك مع رفض بابا". - "والدي رباني على أن يكون لي شخصتي ولا يفرض أي شخص رأيه علي". - "بابا كرهنا وقاطعنا وبعد عنا وأتجوز وخلف ولد، وبعد سنوات رجع يزورنا ولم ينفصل عن ماما حتى وفاته". - "معرفش حاجة عن أخويا ولما قابلته حسيت أنه شخص غريب عني". - "ذهبت لزيارة والدي علشان أصالحه، وعمل حاجة وحشه أوي جمع لي كل مشاهدي اللي مضايقاه، كان بيحضر نفسه ليوم المواجهة علشان يقنعني أني غلط، لقيت فيديو فيه مونتاج لمشاهد من جميع أفلامي واقفة تحت الدش، ومشهد وأنا لابسه قميص نوم مفتوح ومشهد وحد حاضني، حسيت أني مع عدوي وسكت مردتش".
